Љ

Љ љ (lje) je kirilična bukva upotrěbjajema v srbskom, črnogorskom, makedonskom i medžuslovjanskom jezykah za označen‌je palatalnogo ili palatalizovanogo ekvivalenta bukvy л: poslědovateljno [ʎ] i [lʲ]. Ona je ligatura bukvy л i mekkogo znaka ь; v večinstvu ostalyh jezykov pisajemyh kiriliceju, taže sama glaska označaje se dvuznakom ль.

Ona byla izmysljena Vukom Karadžićem i vvedena jim v srbsku ortografiju v 1818 g. V 1944–1945 lětah ona takože stala čest oficialnoj makedonskoj azbuky, a v 2009 g. črnogorskoj azbuky. V medžuslovjanskoj kiriličnoj azbukě ona zajmaje petnadseto město, poslě л i prěd м. Jejin ekvivalent v latinici je lj.

Kromě povyših jezykov, bukva љ takože upotrěbjaje se v itelmenskom jezyku, govorjenom na poluostrovu Kamčatka, za označen‌je glasky [ʎ].

Kodovan‌je

Kodovan‌je		Љ	љ
Nazva v Unikodu		CYRILLIC CAPITAL LETTER LJE	CYRILLIC SMALL LETTER LJE
Unikod	šestnadseterična sistema	U+0409	U+0459
	deseterična sistema	1033	1113
HTML	šestnadseterična sistema	Љ	љ
	deseterična sistema	Љ	љ
	alfabetična sistema	Љ	љ
UTF-8		D0 89	D1 99

Vněšnje linky

• "U+0409 Cyrillic Capital Letter Lje". codepoints.net (na anglijskom).
• "U+0459 Cyrillic Small Letter Lje". codepoints.net (na anglijskom).