И

И и, v kursivu И и, je bukva, koristajema vo vsih sučasnyh kiriličnyh pismah kromě bělorusskogo. Voobče ona izgovarjaje se bolje-menje kako [i], s izključen‌jem ukrajinskogo i rusinskogo jezykov, v ktoryh izgovor je [ɪ]. V medžuslovjanskoj kiriličnoj azbukě ona zajmaje jedinnadseto město, poslě з i prěd ј. Jejin ekvivalent v latinici je i.

V staroslovjanskoj azbukě ona iměla nazvu ижє (iže) «ktory, koj» i čislno značen‌je «8».

Prvopočetno bukva и proizhodila od grečskoj bukvy eta (Η η) i do 13. stolětja iměla shodnu formu – onogda nyněšnja bukva н [n] izgledala kako v grečskom i latinskom alfabetah: N – potom srědnja črtka v oboh bukvah postupno povrnula se v protivnom směru strělky časovnika. Ona istnovala paralelno bukvě і, ktora iměla identičny izgovor. Različalo se medžu njimi tym, že и byl takože nazyvany «osmeričny И», a І «deseteričny И», na osnově jihnyh čislnyh značenij. V glagolici tute dvě bukvy daže iměli tri ekvivalenty: Ⰹ, Ⰺ i Ⰻ.

Kodovan‌je

Kodovan‌je		И	и
Nazva v Unikodu		CYRILLIC CAPITAL LETTER I	CYRILLIC SMALL LETTER I
Unikod	šestnadseterična sistema	U+0418	U+0438
	deseterična sistema	1048	1080
HTML	šestnadseterična sistema	И	и
	deseterična sistema	И	и
	alfabetična sistema	И	и
UTF-8		D0 98	D0 B8

Vněšnje linky

• "U+0418 Cyrillic Capital Letter I". codepoints.net (na anglijskom).
• "U+0438 Cyrillic Small Letter I". codepoints.net (na anglijskom).