Ц

Ц, ц (tse) je bukva kiriličnoj azbuky, označajuča bezzvučnu alveolarnu afrikatu [t͡s]. V někojih jezykah (ukrajinsky, bulgarsky) ona takože imaje mekky ekvivalent [t͡sʲ] prěd palatalizujučeju samoglaskoju ili mekkym znakom ь. V bělorusskom ць takože izgovarjaje se kako [t͡sʲ], ale tamo služi kako mekky ekvivalent tvrdogo т (točno kako i v poljskom). V někojih neslovjanskyh jezykah izgovor odličaje se něčto, napr. v abhazskom [t͡sʰ], v standardnom dialektu osetinskogo [s]. Latinizacija zavisi od cěljnogo jezyka: c medžu drugymi v poljskom, češskom i hrvatskom, ts v anglijskom i francuzskom, z v němečskom i italijanskom, i t.d.

V medžuslovjanskoj kiriličnoj azbukě ona zajmaje dvadeset sedmo město, medžu х i ч. Jejin ekvivalent v latinici je c. Jejin izgovor obyčno je tvrdy, ale v gramatikě provodi se kako mekka suglaska.

V staroslovjanskoj azbukě tuta bukva iměla nazvu ци (v crkovnoslovjanskom цы) i čislno značen‌je «900». O značen‌ju nazvy sut razne teorije (napr. od slova «čij» ili od slova «či»). Proizhodžen‌je kiriličkoj bukvy i jejnogo glagoličnogo ekvivalenta Ⱌ takože ne je jasno: srěd možnyh kandidatov sut hebrejska bukva cade (צ, na koncu slova ץ), koptska bukva fai (ϥ) i grečska bukva sampi (ϡ).

Na osnově bukvy Ц takože byli stvorjene varianty, napr. Ꙡ [t͡s] v staronovgorodskom, Ҵ [t͡s'] i Ꚏ [t͡ɕʷʰ] v abhazskom.

Kodovan‌je

Kodovan‌je		Ц	ц
Nazva v Unikodu		CYRILLIC CAPITAL LETTER TSE	CYRILLIC SMALL LETTER TSE
Unikod	šestnadseterična sistema	U+0426	U+0446
	deseterična sistema	1062	1094
HTML	šestnadseterična sistema	Ц	ц
	deseterična sistema	Ц	ц
	alfabetična sistema	Ц	ц
UTF-8		D0 A6	D0 C6

Vněšnje linky

• "U+0426 Cyrillic Capital Letter Tse". codepoints.net (na anglijskom).
• "U+0446 Cyrillic Small Letter Tse". codepoints.net (na anglijskom).