Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 217.249 məqalə mövcuddur.

Həftənin seçilmiş məqaləsi

Jak-Pyer Brisso — Fransa jurnalisti, siyasətçisi, abolisionisti, jirondist, Fransa inqilabının mühüm xadimlərindən biri. İngiltərə, İsveçrə və Şimali Amerikaya səyahətlər etmiş yazıçı özünün "filosof" karyerasından sonra inqilabi jurnalistikaya və Paris siyasətinə daxil olmuşdur. O, əsasən Fransa inqilabı dövründə fəaliyyət göstərən siyasi fraksiya olan jirondistlərin lideri kimi tanınır.

Şartrda anadan olmuş Brisso vəkil köməkçisi kimi təlim keçmişdir. O, tez bir zamanda yazı və nəşriyyata üz tutmuş, məhsuldar bir yazıçıya çevrilmişdir. Bu dövrdə Volter və d'Alember kimi tanınmış ziyalılarla ünsiyyət qurmuşdu. Brisso 1784-cü ildə qısa müddətə Bastiliya qalasında həbs edilmişdir və bu, onun həyatında dönüş nöqtəsi kimi qəbul edilmişdir. Daha sonra o, Filipp d'Orleanla yaxınlaşmış və özünü islahatçı məqsədlərə həsr etmişdir. (Davamı...)

Həftənin yaxşı məqaləsi

Ərəbgir — Türkiyənin Malatya vilayətinə daxil olan bələdiyyə və rayon. Rayonun ərazisi 987 km² təşkil etmiş, əhalisi isə 2022-ci il üzrə 9,964 nəfər olmuşdur. Fərat çayının sahilindən 14–15 km şərqdə, Malatyanın 70 km şimalında, Elazığ və Kemaliyyə şəhərləri arasında yerləşir.

Ərəbgir Fərat çayının qərbi və şərqi qollarının birləşdiyi ərazidə yerləşmiş, lakin birləşmiş axının sağ sahilindən bir neçə mil aralıda salınmışdır. Şəhər Sivas ilə Fərat çayına qədər uzadılmış şosse yolu vasitəsilə əlaqələndirilmişdir. Müasir Ərəbgie şəhəri XIX əsrin ortalarında inşa edilmişdir. Bununla yanaşı, şəhərdən təxminən 2 mil şimal-şərqdə yerləşən və hazırda "Eskişehir" (hərf. "köhnə şəhər") adlandırılan qədim yaşayış məntəqəsi mövcuddur. (Davamı...)

Həftənin seçilmiş siyahısı

Elxani hökmdarlarının siyahısı — Monqol əsilli Elxani hakimiyyətinin əsası 1256-cı ildə Hülakü xan tərəfindən qoyulmuş və indiki İran, İraq, Azərbaycan, Ermənistan, Türkiyənin mərkəzi və şərq hissələri, Əfqanıstan, müəyyən dövrlərdə Pakistanın bəzi hissələrini və Türkmənistanı əhatə etmişdir. Elxanilər Monqol imperiyasından nominal olaraq asılı olsalar da, faktiki olaraq müstəqil hakimiyyət sürürdülər. 1295-ci ildən Mahmud Qazan xan faktiki asılılıqdan da imtina edərək imperiyadan tam müstəqillik elan etdi. Elxani hökmdarlarının siyasi mərkəzi müxtəlif vaxtlarda Marağa, Təbriz və Sultaniyə şəhərləri olmuşdur.

(Davamı...)

Günün seçilmiş şəkli

Xəbərlər

Norveç kralı V Harald (şəkildə) 89 yaşında ölüb və onun yerinə oğlu VIII Hokon taxta çıxıb.
Baş verən Günəş tutulmasının tam fazası Rusiya, Danimarka, İslandiya, İspaniya və Portuqaliyada müşahidə edilib.
Keçmiş Cümhuriyyət Xalq Partiyası sədri Özgür Özəl tərəfindən yaradılan Yeni Partiya Türkiyənin əsas müxalifət partiyası olub.

Aktual hadisələr: İran müharibəsi • Rusiya–Ukrayna müharibəsi

Son ölümlər: Zöhrab Zeynallı, Pərviz Məmmədov, Züleyxa Hacıyeva, Ratko Mladiç, Yayoi Kusama, Ayvaz Xələfli

Bilirsinizmi?

İspaniyanın Xuskar kəndi 2011-ci ildə "Şirinlər" filminin premyerası münasibətilə "Sony España" tərəfindən göy rəngə boyanmışdır (şəkildə).
1846-cı ildə "Eremina desertorum" növünün bir nümunəsi ölü hesab olunaraq kataloq kartoçkasına yapışdırılaraq Britaniya Muzeyinə gətirilsə də, 1850-ci ildə hələ də sağ olduğu məlum olub.
2003-cü il İraq müharibəsi zamanı çoxlu sayda internet istifadəçisi yanlışlıqla Avstraliyanın Baqdad qəsəbəsinin rəsmi saytına müraciətlər ünvanlayırdı.
İzmirdə baş tutan ənənəvi Rakıspor–Şarapspor futbol oyunlarında oyunçular və hakimlərin meydana sərxoş halda çıxması məcburi idi.
ABŞ Strateji Komandanlığı tərəfindən hazırlanmış CONOP 8888 planı mülki şəxsləri və hakimiyyət orqanlarını zombilərdən qorumaq üçün nəzərdə tutulub.

Tarixdə bu gün

15 sentyabr:

1835 — Çarlz Darvin "Biql" briqində Qalapaqos adalarına gəldi.

1916 — Somma döyüşündə ingilislər dünyada ilk Mark I tankını sınaqdan keçirdilər.

1928 — İngilis mikrobioloqu Aleksandr Fleminq penisillini əldə etdi.

1935 — Nürnberq qanunları ilə yəhudilər Almaniya vətəndaşlığından məhrum edildilər.

1950 — Koreya müharibəsi: ABŞ öz desantlarını Cənubi Koreyanın İnçxon şəhərinə yerləşdirdi.

1959 — Nikita Xruşşov sovet liderləri arasında ilk dəfə ABŞ-a səfər etdi.

1971 — "Qrinpis" təşkilatı ilk aksiyasını Alyaskadakı nüvə sınaqlarına qarşı keçirdi.

1918 — Bakı döyüşü: Bakı Qafqaz İslam Ordusunun sayəsində Bolşevik-Daşnak-Bakı Sovetindən azad edilmişdir.

Digər günlər: 14 sentyabr – 15 sentyabr – 16 sentyabr

Arxiv – İlin digər günləri – Haqqında

Kömək səhifələri

Vikipediya

Ana səhifə

Vikipediyaya xoş gəlmisiniz!

Vikimedia Fondunun digər layihələri