Chapter 21
Yunamura amaso, abona abatunzi bashikana, baterera ibimazi vyabo mu masandugu y'amahera.
2 Abona umupfakazi w'umworo ateramwo amasenge abiri.
3 Arababwira ati: “Ndababwire ukuri, uwu mupfakazi w'umworo ashikanye ibirengeye ivyo abandi bose:
4 kuko abo bose batereye mu mashikanwa ku bibasagutse, ariko we ku bworo bwiwe ashikanye ibimutunze vyose.”
5 Mu gihe bamwe bariko baravuga ingene urusengero rwasharijwe n'amabuye meza hamwe n'amashikanwa; Yesu arabakurira inkoni ku gishitsi
6 ati: “Ivyo vyose mubona, mu misi izoza ntihazosigara ibuye rigeretse ku rindi ridasamburiwe hasi.”
7 Baramubaza bati: “Mwigisha, none ivyo bizobaho ryari?” Ikimenyetso kizoba iki c'igihe ivyo bizoba bigira bishike?
8 Arababarira ati: “Mwirinde ntimuzimizwe; kuko benshi bazoza mw'izina ryanje bati: 'Ndi we; kandi igihe kiri hafi;' ntimuzobakurikire.
9 Kandi ni mwumva intambara n'imivurungano, ntimuzocike ivutu; kuko ivyo bitazobura kubanza kubaho, ariko umuhero ntuzoca ushika.”
10 Maze arababwira ati: “Ihanga rizotera irindi hanga, n'ubwami buzotera ubundi bwami.
11 Kandi isi izonyiganyiga cane henshi, kandi hamwehamwe hazotera amapfa, hatere ni ikiza, habeho n'ibiteye ubwoba n'ibimenyetso bihambaye biva mw'ijuru.
12 Ariko ivyo vyose bitarabaho bazobafata amaboko, babahame, babashengerane mu nsengero z'Abayuda, babashirishe mu mabohero, babashengeze ku bami no ku baganza, babahora izina ryanje;
13 bicike ikimenyetso kibere mwebwe icabona.”
14 Nuko ibi mubishireko imitima, yuko mudakwiye kubanza kwiyumvira ivyo muzokwireguza.
15 Kuko ari jewe nzobaha ururimi n'ubwenge, ivyo ababarwanya bose batazoshobora gutsinda canke gutururuza.
16 Ariko muzoshengezwa n'abavyeyi banyu na bo, n'abavukanyi bawe n'incuti n'abakunzi, bamwe muri mwebwe bazobicisha.
17 Muzoba mwanswe na bose babahora izina ryanje.
18 Kandi ntihazohara agashatsi na kamwe ko mu mitwe yanyu.
19 Ukwihangana kwanyu ni kwo kuzotuma mukiza ubugingo bwanyu.
20 Ariko ni mwabona i Yerusalemu hakikijwe n'ibitero, muzomenye yuko hagire hasenyagurike.
21 Ico gihe abazoba bari i Yudaya bazohungire ku misozi miremire, kandi abazoba bari hagati muri Yerusalemu bazohasokoroke, kandi abazoba bari mu misozi ntibazoje i Yerusalemu.
22 Kuko iyo misi izoba iyo guhora, kugira ngo ivyanditswe vyose bishike.
23 Muri iyo misi abazoba batwaye inda n'abonsa bazobona amahano; kuko hazoba umubabaro mwinshi mu gihugu, kandi ishavu buzoba kuri ubu bwoko.
24 Bazokwicwa n'ubugi bw'inkota, bazojanwa mu mahanga yose ari imbohe. Kandi i Yerusalemu hazosiribangwa n'abanyamahanga, kugeza aho ibihe vy'abanyamahanga bizoshirira.
25 Kandi hazoba ibitangaza ku zuba, ku kwezi no ku nyenyeri. Mw'isi naho hazoba umubabaro mu mahanga yose babure uko babigenza kubwo ukwasiranya kw'imipfunda y'ikiyaga.
26 Kandi abantu bazogwishwa igihumura n'ubwoba no kwitega ibigira bibe mw'isi; kuko ivyo inkomezi vyo mw'ijuru bizonyiganyizwa.
27 Ni ho bazobona Umwana w'umuntu aje mu gicu, afise ububasha n'ubwiza bwinshi.
28 Ariko ivyo ni vyatangura kubaho, muzohagarare murangamize kuko gucungurwa kwanyu kuzoba kugira gushike.”
29 Kandi abacira umugani ati: “Ni murabe umusukoni n'ibiti vyose.
30 Iyo bitoshe, murabibona, mukamenya ubwanyu yuko agatasi kari hafi.
31 Nuko namwe ni mwabona ivyo bibaye, muzomenye yuko ubwami bw'Imana buri hafi.
32 Ndababwire ukuri, abo iki gihe ntibazorangira, ivyo vyose bitarashika.
33 Ijuru n'isi bizorangira, ariko amajambo yanje nta co azoba.
34 Ariko mwirinde, kugira ngo imitima yanyu ntiremerwe no kudandahirwa no kuborerwa n'umwitwaririko w'ivyo ubu bugingo, ngo uwo musi ntubazeko giturumbuka, nk'umutego;
35 kuko ari ko uzoshika ku bantu bose bacumbitse mw'isi yose.
36 Mwame mugavye, musenge mu bihe vyose, kugira ngo muzoshobore guhunga ivyo vyose bigira bibeho, ngo muhagarare imbere y'Umwana w'umuntu.
37 Imisi yose Yesu yirirwa mu rusengero yigisha, ariko bwira, agasohoka, akaja kurara ku musozi witwa Elayono.
38 Abantu bose bakazindukira kuri we mu rusengero kumwumva.
